गावाचा इतिहास गोविंदपुर हे गाव अठराव्या शतकाच्या पुर्वार्धात बसवल्या गेले हे गाव अमरावती जिल्ह्यातील चांदुर बाजार तालुक्यामध्ये समाविष्ट असुन अमरावती पासुन 60 कि. मी. अंतरावर आहे. सदर गावाची ग्रामपंचायत स्थापन 1960 साली करण्यात आली. गावाची सन 2011 च्या गनगणेनुसार 1365 लोकसंख्या आहे.

गावाचे पहीले सरपंच म्हणुन श्री. पुंडलिकराव केशवराव सोलव यांना मान मिळाला. हे गाव संपुर्ण अंधारात असतांना गावाचे सरपंच श्री. पुंडलिकराव केशवराव सोलव यांनी स्वताचे 4 एक्कर शेत विकुण त्या काळात गावात 7 विद्युत खांब बसवून गावात विद्युत आणली. या गावामध्ये जि.प.शाळा असुन येथिल शिक्षक वृंद मोठ्या उत्साहाने विद्यार्थ्यांना शिकवितात. शाळा पुर्ण डीजीटल आहे. गावातील लोकांचा सहभाग सुद्धा शाळेच्या प्रगती साठी मोठ्या प्रमाणावर आहे..

संपुर्ण गावाचे विद्युतीकरण झालेले आहे. गावक-यांचा शेती हा मुख्य व्यवसाय असुन येथे नविन तंत्रज्ञानाचा वापर करून संत्रा फळ पिक घेतल्या जाते. संपुर्ण गावावर ग्रामपंचायत गोविंदपुरचे नियंत्रण आहे. गावात पिण्याचे पाणी मुबलक प्रमाणात आहे. गावात कोणत्याही प्रकारचा तंटा नसून गावात संपुर्ण दारुबंदी आहे.

गावातील लोकं शासनाच्या विविध उपक्रमांमध्ये मोठ्या उत्साहाने भाग घेतात. गावातील लोकं शौचालयाचा नियमित वापर करतात. गाव पुर्णपणे सन २०१८ मध्ये हागनदारी मुक्त झाले आहे. गावातील लोकं एकजुटीने राहतात. सर्वांनमध्ये सहकार्याची भावना आहे.